Лице за контакт
СЕКТОР ЗА СЕЛЕКЦИЈА И ВРАБОТУВАЊЕ НА ДРЖАВЕН И ЈАВЕН СЛУЖБЕНИК
ОДДЕЛЕНИЕ ЗА СЕЛЕКЦИЈА И ВРАБОТУВАЊЕ НА ЈАВЕН СЛУЖБЕНИК
РАКОВОДИТЕЛ НА ОДДЕЛЕНИЕ ЗА СЕЛЕКЦИЈА И ВРАБОТУВАЊЕ НА ЈАВЕН СЛУЖБЕНИК
Звање: раководител на одделение
Број на извршители: 1 (еден)
Одговорен пред: раководител на сектор
Цел на работното место: развивање и обединување на политиките во врска со постапките за селекција и вработување на јавен службеник, нивна координација и спроведување, како и поддршка на работата на раководителот на секторот .
Работни должности:
-раководи, ја организира, насочува и координира работата на одделението;
-изготвува план за работа на одделението и се грижи за неговата реализација, ги распоредува работните задачи во одделението и извршува непосредна контрола и надзор над извршувањето на работите и задачите;
-се грижи за правилната примена на стандардите и на критериумите за административна селекција на пријавените кандидати при вработувањето на јавен службеник;
-презема мерки во врска со објавување на јавен оглас по барања од институциите од член 3 точка 2 од Законот за јавните службеници за потреба од нови вработувања;
-подготвува периодични и годишни извештаи за работата на одделението и прегледи за спроведените постапки за селекција и вработување на јавен службеник;
-одговара за навремено, законско и квалитетно извршување на работите и на задачите во одделението;
-остварува редовни контакти со другите раководители на одделенијата во секторот и разменува информации и искуства;
-врши следење, вреднување и оценување на остварените резултати во работата на државните службеници во одделението и
-одговара за својата работа во рамките на своите овластување и врши други работи кои ќе му бидат доверени.
Посебни услови потребни за вршење на работата:
Степен на образование: Стекнати 300 кредити според ЕКТС или завршен VII/1 степен
Вид на образование: Хуманистички науки
Работно искуство во струката: Најмалку 4 години од кои 1 година во државната служба
Странски јазици: //
Вештини: Познавање на работа со компјутер
Лични способности:
-одлични раководни способности;
-способност за работа под притисок и извршување на работни задачи со рок;
-исполнителност, самоиницијативност, чесност и лојалност;
-ефективна вербална и писмена комуникација;
-способност за тимска работа;
-организациски вештини.